புதுசாய் ஒரு சூரியன்

கனவுகளைச் சுமந்துகொண்டு

ஏங்கங்கள் நடந்துவர

காலம் கைகொட்டிச் சிரிக்கும்


சூரியனைச் சூட்டிரிக்கும்

பெருமூச்சு

நாளைய விடியலின்

முகம் பார்க்கும்


காற்று வாங்க

போன தென்றல்

மூச்சுக் காற்றுக்காக

ஏங்கி நிற்கும்


வாங்கிய சுதந்திரத்தை

சிறை வைக்கக்

காத்திருக்கும் ஆலமரம்


முதுகு வளைந்த வானவில்

எதிர்காலத்தை நம்பிக்கொண்டிருக்கும்

நிலவும் நீச்சல் போட

புதுவானம் தேடிநிற்கும்


நோற்று இன்று நாளையென

ஒவ்வொரு நாளையும் எட்டிப்பார்க்கும்

எதிர்காலம்


இத்தனையும் கரைசேர்க்க

புதுசாய்…

சிவக்கிறது ஒரு கீழ்வானம்.