வாழ்த்துக் கவிதை

அன்னை என்றால் தாய்மைகுணம்
அன்பு நிறைந்த மணிமகுடம்

உன்னை அண்டி வந்தோர்க்கு

அறிவும் பொருளும் தந்தவளே

வானம் கூட பொய்த்திடலாம்

உனது அன்பு பொய்க்காது

தேனும் பாலும் கலந்தசுவை

பேச்சில் கொண்ட கலையரசி

பண்பாய் பேசும் குலவிளக்கே

பாசம் மிகுந்த பனிமலரே

கணித பாடம் கற்றாலும்

தமிழ்மேல் பற்றுக் கொண்டாயே

பயிராய் உந்தன் முகம்காண

உரமாய் ஆறுதல் சொல்வாயே

உயிராய் இருந்து உறவுகளை

செழிக்க வைக்கும் பொற்குடமே

பொருள்மேல் ஆசை கொள்ளாத

புனித வடிவம் நீயம்மா

சிறப்பாய் உடலும் உள்ளமொடு

அமைந்து வாழ வேண்டுமம்மா

குடும்பம் உறவும் பற்றுகொள்ள

கவலை இல்லா வாழ்வமைய

கொடுக்கும் கடவுள் அருள்வேண்டி

பணிந்து உன்னை வாழ்த்துகிறேன்.