கண்ணகி சபதம்

அறுசீர் விருத்தம்

ஊரிலே சிறப்பாய் வாழ்ந்து
           விதியினால் இழந்து யாவும்
ஊரவர் ஏசல் வெட்கி
           இருப்பிடம் துறந்து வேறோர்
ஊரிலே குடிபெ யர்ந்து
           வாழ்க்கையைத் துவங்கு வோர்போல்
பாரினில் அரசர் போல
           பொருள்வகை பெற்றி ருந்து

குறள்வெண்செந்துறை

யாவையும் இழந்து பின்னர்
           சிலம்பையே முதலாய் வைத்து
தேவையைப் பெறுவோ மென்று
           திடமுடன் நாடு விட்டு

சிறப்புடை கலித்தாழிசை

உறவினர் பல்லோர் இருந்தும்
உறவுகள் யாவும் நீக்கி
துறவறம் செல்வோர் போல
           தமியராய்ப் பிரிந்து சென்றார்

கலிவிருத்தம்

வானம் விழித்தெழும் வைகறைப் பொழுதினில்
கானம் பாடியே புள்ளினம் பறந்திட
கூனிக் குறுகியே விதிப்பயன் துரத்திட
மானம் காத்திட இல்லினை நீங்கினர்

சொல்லிச் செல்லுதல் ஊரவர்க் கின்மையால்
பல்லூர்க் கோவிலைக் காண்பவர் போலவே
சிலவே ஆடையை கைகளில் தாங்கியே
சிலம்போ டவர்களின் இல்லினை நீங்கினர்

நீண்ட நெடியதாய் அறைகளைக் கொண்டது

தீண்டும் இன்பமாய் கண்களுக் களிப்பது

வேண்டும் கலைகளைத் தன்னுளே தாங்கிய

காண்க வரில்லினை இருவரும் நீங்கினர்

சிறப்புடைக் கலித்தாழிசை

பூட்டா வீட்டை விட்டு வெளியே வந்தவர்

தோட்டம் துரவு எல்லாம் கடந்து மாலவன்

கோட்டம் சென்று வணங்கி புத்த விகாரமும்

சமணர்க் கோவில் கண்டு வேண்டிச் சென்றனர்