குமரக் குழமகன்

தரணிகாக்க வந்த சிவபாலன் நெற்றி
நெருப்பில் உருவாகி பொய்கை தவழ்ந்தவேலன்
கார்த்திகை பெண்கள் வளர்க்க வளர்ந்தவனே
பார்வதி அன்னையால் சண்முக மானாவா
தேவர் குலம்காக்க வந்தவனே சித்தனே 05
தேனும் தினைமாவும் உண்பவனே கந்தனே
நம்பியவர்க் காத்திடும் இளையோனே சக்திபாலா
கொஞ்சி தமிழ்பேசும் பிள்ளையே தேவசேனா
மும்மூர்த்தி யான பரம்பொருளே சித்தனே
சந்தனம் குங்குமம் தேக மணந்திட 10
எங்கும் நிறைந்திருக்கும் பேரழகே முத்தப்பா
வேதப் பொருள்உரைத்த ஆசானே சேயோனே
பேதமின்றி பக்தர்க் கருள்வழங்கும் நாதா
அருண கிரிவென்றி மாலை கவிரா
யருயிர் காத்த மயிலா சலனே 15
பழத்திற்கு கோபித்து ஆண்டிவடி வானவனே
வேல்வடிவில் நின்று வினைதீர்ப் பவனே
தருமம் நிலநாட்ட வந்தவனே கந்த

புராண தலைவனே காந்தள் மலர்விரும்பி

செந்நிற மேனியனே சேவற் கொடியோனே 20

குன்றமர்ந்து காட்சி தரும்சிலம்பா தேசிகா 

யானை வளர்த்தமகள் தேவர் பரிசேற்றாய்

யானை அனுப்பி பயம்கொள்ள வைத்தவனே

வள்ளி மனம்கவர்ந்த தேவனே மால்மருகா

பிள்ளை எனநினைத்த சூரர் வதைத்தவனே 25 

கள்ளமில்லா பக்தர் கரம்கொண்டு காப்பவனே

ஆழிப் பதம்வருட செந்தூர் உரைபவனே

ஆழி உறைபவனின் அன்பு மருமகனே 

அன்னை மடியமர்ந்த முத்துக் குமரா

பணிந்து புகழரைத்தேன் நான் 30