அன்னை மடியில் தலைவைப்போம்

அன்னை மடியில் தலைவைப்போம்
தந்தை சொல்லைக் கேட்டிடுவோம்
ஆசான் மூத்தோர் வழிநடப்போம்
ஆலயம் சென்று வழிபடுவோம்

அண்ணன் அக்கா உடன்பேசி
அத்தை மாமா உறவுகளில்
அன்பைப் பொழிந்து வளர்ந்திடுவோம்
அருமை உணர்ந்து பழகிடுவோம்

அன்னை மடியில் தலைவைப்போம்
தந்தை சொல்லைக் கேட்டிடுவோம்
ஆசான் மூத்தோர் வழிநடப்போம்
ஆலயம் சென்று வழிபடுவோம்

தெருவில் உள்ள நண்பருடன்

சேர்ந்து ஆடிப் பாடிடுவோம்
வரவும் செலவும் பாராமல்
வாங்கி அன்பாய் தினம்தின்போம்
தெருவே எங்கள் ஆடுகளம்
திண்ணை எங்கள் பஞ்சுமெத்தை
பிரித்து நாங்கள் பார்ப்பதில்லை
பிரிந்து என்றும் இருந்ததில்லை 

அன்னை மடியில் தலைவைப்போம்
தந்தை சொல்லைக் கேட்டிடுவோம்
ஆசான் மூத்தோர் வழிநடப்போம்
ஆலயம் சென்று வழிபடுவோம்

நல்ல துணி கண்டதில்ல

வெயில் ஒன்னும் செஞ்சதில்ல

பெத்தவங்க எங்களத்தான்

ஒத்தையில பெத்ததில்ல

வேண்டியத செஞ்சிடுவோம்

வேலி போட்டு வச்சதில்ல

பெத்தவங்க சொன்னசொல்ல

எப்பவுமே விட்டதில்ல

அன்னை மடியில் தலைவைப்போம்
தந்தை சொல்லைக் கேட்டிடுவோம்
ஆசான் மூத்தோர் வழிநடப்போம்
ஆலயம் சென்று வழிபடுவோம்