அன்னையின் தந்தையின் உயிர்வழி வந்தோமே
மண்ணிலே மனிதராய் உறவுகள் கொண்டோமே
அன்னையின் தந்தையின் உயிர்வழி வந்தோமே
மண்ணிலே மனிதராய் உறவுகள் கொண்டோமே
சிந்தையில் உதித்ததை செயல்களாய்ச் செய்தோமே
சகோதர சகோதரி உறவுதனைப் பெற்றோமே
அன்னையின் தந்தையின் உயிர்வழி வந்தோமே
மண்ணிலே மனிதராய் உறவுகள் கொண்டோமே
உதிரத்தின் உறவாக உடன்வந்துப் பிறந்தோமே
உறவோடு உறவாக ஒன்றாக வளர்ந்தோமே
ஒருகூட்டுப் பறவையாய் சிறைபட்டு இருந்தோமே
உணவள்ளி இருகையில் ஒன்றாக உண்டோமே
உனக்கென்றும் எனக்கென்றும் உடன்கேட்டுப் பெற்றோமே
கருத்துக்குள் துணையாகி ஒன்றாகி நின்றோமே
கைகோர்த்து இணையாகப் பயணங்கள் செய்தோமே
ஒன்றான பாசத்தில் ஒன்றாகி வெல்வோமே
அன்னையின் தந்தையின் உயிர்வழி வந்தோமே
மண்ணிலே மனிதராய் உறவுகள் கொண்டோமே
இருவீடு என்றாலும் என்னென்றும் தொடர்வோமே
இருக்கின்ற நாளெல்லாம் இன்பமாய் வாழ்வோமே
இன்பங்கள் துன்பங்கள் இருவரும் பகிர்வோமே
உறவுக்குள் கைகோர்த்து உயிர்வரை நிற்போமே
பொருள்ஒரு பொருளல்ல புறம்தூக்கி எறிவோமே
புன்னகையும் புதுப்பொலிவும் இருவரும் பகிர்வோமே
புதுமைகள் பலசெய்து உறவுகள் வளர்ப்போமே
புவியினில் இன்பமாய் இருவரும் இருப்போமே
அன்னையின் தந்தையின் உயிர்வழி வந்தோமே
மண்ணிலே மனிதராய் உறவுகள் கொண்டோமே
அன்னையின் தந்தையின் உயிர்வழி வந்தோமே
மண்ணிலே மனிதராய் உறவுகள் கொண்டோமே
சிந்தையில் உதித்ததை செயல்களாய்ச் செய்தோமே
சகோதர சகோதரி உறவுதனைப் பெற்றோமே
